WELKOM BY ONS WEBWERF

Beleef ‘n aand propvol storievertellings van spookverhale, legendes en ander aangrypende bonatuurlike ondervindings.
‘n Uitsonderlike ervaring deurweef met die interessante geskiedenis van Pretoria, sy geboue en sy omgewing.
‘n Aand uit wanneer ons terug stap in tyd; terug op die voetspore van hulle wat lank voor ons hier gewoon, gewerk en geleef het – maar waarvan sommiges vergeet het om te vertrek.
Beleef die storie-ondervinding . . . anders sal jy dit nooit verstaan nie . . .
Aangebied sewe keer per jaar, op ‘n Saterdagaand, per bus deur die donker strate van die Jakarandastad.

meer inligting inverband met toere

Pretoria Spookbustoer

  • Toer per storiebus op ‘n Saterdagaand deur die donker strate van die Jakarandastad.
  • Luister na van die spookverhale wat hoofsaaklik in Pretoria, maar ook elders in die land, afgespeel het.
  • Herontdek die geskiedenis van die stad en sy ou geboue.
  • Leer meer oor die bo-natuurlike en die verskillende tipe geestesverskynsels om ons.
  • Vertrek net na skemer by die Hokaai-sentrum in Faerie Glen en keer ongeveer 4½ uur later terug.
  • Veilige parkering, met ‘n motorwag, is by die sentrum beskikbaar.
  • Besprekings teen R265 per persoon kan hier aanlyn gedoen word.

BELANGRIKE INLIGTING

  • Sitplekke is onderhewig aan beskikbaarheid en is eers geldig na betaling en jy jou bevestigingsbrief ontvang het.
  • Kaartjies is nie-terugbetaalbaar indien jy om watter rede ook al die bus sou verpas, en kan ook nie oorgedra word na ‘n volgende datum nie.
  • Normale en opgevoede teater-etiket is van toepassing. Indien jy eerder wil fuif en partytjie hou, is hierdie toer nie vir jou nie. Dronk en luiddrugtige persone sal die vertellings glad nie waardeur nie. Hulle sal die aand vervelig vind en daarom ook onwelkom voel.
  • Ons akkommodeer geen sosiale groepe, funksies of blokbesprekings (soos bv. vir korporatiewe-, spanbou-, verjaarsdag- of klubuitstappies) nie.
  • Geen koelsakke, drank of kos word op die bus toegelaat nie.
  • Na jou bespreking sal jy ons kwartaallikse nuusbrief met interessante brokkies per epos ontvang, maar jy kan enige tyd daarvan uitteken sou jy wou.

TERUGVOERING VAN 2018-GASTE

Loading…