WELKOM BY ONS WEBWERF

Daar was ‘n tyd – lank, lank gelede – toe mense nog nie aan TV- of selfoonskerms verslaaf was nie. Toe families en vriende saans in die kuierkamer, op die stoep of langs die kampvuur bymekaar gekom en die heerlikste spookstories, aangrypende staaltjies en bo-natuurlike legendes uit die verlede met mekaar gedeel het.

Tydens ons verskillende uitstappies en verhoogaanbiedings is dit presies wat jy weer kan herleef: ‘n aand propvol storievertellings aangebied deur die joernalis, skrywer en storieverteller, Jaco Hough-Coetzee.

‘n Uitsonderlike ervaring deurweef met die interessante geskiedenis van die spesifieke omgewing.

‘n Aand uit wanneer ons terug stap in tyd; terug op die voetspore van hulle wat lank voor ons hier gewoon, gewerk en geleef het – maar waarvan sommiges vergeet het om te vertrek.

Beleef dié spookstorie-ondervinding . . . anders sal jy dit nooit verstaan nie.

Pta-SPOOKBUS-uitstappie: 25 September, 2 Oktober, 16 Oktober asook 27 November, 18:00 vir 18:30 Meer besonderhede en aanlyn besprekings hier.

DIE-anner-LEWE asook SPOKE-oppi-PLATTELAND: Bespreek hierdie twee uiteenlopende storie-vertonings vir jou teaterrestaurant, hotelvenue, intieme teater of plek met ‘n geskiedkundige en plattelandse “look and feel”-aanslag. Ook ideaal vir gemeenskapsorganisasies, klubs, skole, kultuurgroepe of verenigings wat opsoek is na ‘n unieke fondsinsamelingsprojek. Kontak ons vir meer besonderhede.