WELKOM BY ONS WEBWERF

Daar was ‘n tyd – lank, lank gelede – toe mense nog nie aan TV- of selfoonskerms verslaaf was nie. Toe families en vriende saans in die kuierkamer, op die stoep of langs die kampvuur bymekaar gekom en die heerlikste spookstories, aangrypende staaltjies en bo-natuurlike legendes uit die verlede met mekaar gedeel het.

Tydens ons verskillende uitstappies en verhoogaanbiedings is dit presies wat jy weer kan herleef: ‘n aand propvol storievertellings aangebied deur die joernalis, skrywer en storieverteller, Jaco Hough-Coetzee.

‘n Uitsonderlike ervaring deurweef met die interessante geskiedenis van die spesifieke omgewing.

‘n Aand uit wanneer ons terug stap in tyd; terug op die voetspore van hulle wat lank voor ons hier gewoon, gewerk en geleef het – maar waarvan sommiges vergeet het om te vertrek.

Beleef dié spookstorie-ondervinding . . . anders sal jy dit nooit verstaan nie.

Komende vertonings

pta-SPOOKBUS-uitstappie: 17 April en 29 Mei 2021 R 265 per persoon

Meer besonderhede: Oorsig

Aanlyn besprekings: Besprekings