WELKOM BY ONS WEBWERF

Daar was ‘n tyd – lank, lank gelede – toe mense nog nie aan TV- of selfoonskerms verslaaf was nie. Toe families en vriende saans in die kuierkamer, op die stoep of langs die kampvuur bymekaar gekom en die heerlikste spookstories, aangrypende staaltjies en bo-natuurlike legendes uit die verlede met mekaar gedeel het.
Tydens ons verskillende uitstappies en verhoogaanbiedings is dit presies wat jy weer kan herleef: ‘n aand propvol storievertellings aangebied deur die joernalis, skrywer en storieverteller, Jaco Hough-Coetzee.
‘n Uitsonderlike ervaring deurweef met die interessante geskiedenis van die spesifieke omgewing.
‘n Aand uit wanneer ons terug stap in tyd; terug op die voetspore van hulle wat lank voor ons hier gewoon, gewerk en geleef het – maar waarvan sommiges vergeet het om te vertrek.
Beleef dié spookstorie-ondervinding . . . anders sal jy dit nooit verstaan nie.

Daarom bied SPOOKSTORIEproduksies jou nou die volgende drie verskillende vertonings en uitstappies:
pta-SPOOKBUS-uitstappie
Neem die storiebus op ‘n rit deur die Jakarandastad, aangebied sewe keer per jaar.
• Volgende datum: Sat 22 Feb 2020 en Sat 28 Maart 2020, 19:00, Pretoria, R265 p/p
• Oorsig: pta-SPOOKBUS-uitstappie
• Besprekings: pta-SPOOKBUS-uitstappie besprekingsblad
DIE-anner-LEWE
‘n Aand van storievertellings en sang opgevoer in teaterrestaurante en ander venues in of naby aan die Gauteng-omgewing.
• Volgende datum: Nuwe 2020 datum volg binnekort
• Oorsig: DIE-anner-LEWE
• Besprekings: Geen besprekings tans beskikbaar
SPOKE-oppi-PLATTELAND
‘n Eenman-storievertellingsaand in ‘n plattelandse venue in Gauteng
• Volgende datum: Nuwe 2020 datum volg binnekort
• Oorsig: SPOKE-oppi-PLATTELAND
• Besprekings: Geen besprekings tans beskikbaar